परदेशात शिक्षण घेतलेल्या भारतीय गुणवंतांना भारतातील संधींशी जोडण्यासाठी ॲक्सिस बँकेचा ‘अराईज होमकमिंग’ उपक्रम परदेशातील भारतीय विद्यार्थी आणि करिअरच्या सुरुवातीच्या टप्प्यावर असलेल्या व्यावसायिकांसाठी मायदेशी करिअर घडवण्याचा एक विशेष मार्ग ही भरती मोहीम निर्माण करते.
मुंबई, सप्टेंबर 2026: भारतातील खासगी क्षेत्रातील सर्वात मोठ्या बँकांपैकी एक असलेल्या ॲक्सिस बँकेने अराईज होमकमिंग (ARISE Homecoming) या उपक्रमाची आज घोषणा केली. परदेशात शिक्षण घेतलेल्या आणि भारतात करिअरच्या संधी शोधणाऱ्या भारतीय गुणवंतांसाठी हा उपक्रम तयार करण्यात आला आहे.
परदेशातील विद्यापीठांमध्ये शिकत असलेल्या किंवा नुकतेच शिक्षण पूर्ण केलेल्या भारतीय विद्यार्थ्यांसाठी, तसेच दोन वर्षांपर्यंतचा आंतरराष्ट्रीय पातळीवरचा कामाचा अनुभव असलेल्या व्यावसायिकांसाठी हा कार्यक्रम खुला आहे. भौगोलिक सीमांच्या पलीकडे जाऊन भरती करण्याच्या ॲक्सिस बँकेच्या धोरणांतर्गत, या कार्यक्रमात विविध पदव्या, शाखा आणि शिक्षण संस्थांमधील उमेदवारांचे स्वागत केले जाते; यात प्रामुख्याने कौशल्ये, क्षमता आणि संबंधित भूमिकेसाठीची योग्यता यावर भर दिला जातो.
2025 मध्ये सुमारे 12.54 लाख भारतीय विद्यार्थी परदेशातील उच्च शिक्षण संस्थांमध्ये शिकत होते; हे विद्यार्थी म्हणजे जागतिक अनुभव आणि वैविध्यपूर्ण दृष्टिकोन असलेली एक महत्त्वपूर्ण प्रतिभासंपन्न गट आहेत. एक प्रमुख विकासशील बाजारपेठ म्हणून भारत वेगाने पुढे येत असताना, हा कार्यक्रम या गुणवान व्यक्तींना देशाच्या आर्थिक आणि औद्योगिक परिवर्तनाच्या पुढील टप्प्यात सहभागी होण्याची संधी उपलब्ध करून देतो.
या उपक्रमाच्या शुभारंभप्रसंगी ॲक्सिस बँकेचे ग्रुप हेड – ह्युमन रिसोर्सेस राजकमल वेम्पती म्हणाले:
“आज करिअरची जडणघडण ही प्रामुख्याने वैयक्तिक पसंती, उद्देश आणि प्रभाव पाडण्याची संधी यावर आधारित आहे. ARISE होमकमिंग या उपक्रमाद्वारे, आम्ही परदेशात शिक्षण घेतलेल्या भारतीय गुणवंतांसाठी ॲक्सिस बँकेत समाधानकारक करिअर घडवण्याचा मार्ग खुला करत आहोत. बँकिंग आणि वित्तीय सेवा क्षेत्रात सातत्याने बदल होत असताना, हे गुणवान उमेदवार या क्षेत्रासोबतच शिकू शकतात, नेतृत्व करू शकतात आणि प्रगती साधू शकतात.”
ARISE होमकमिंगमुळे बँकेच्या गरजांनुसार उमेदवारांना व्यवसाय, तंत्रज्ञान, डिजिटल, धोरण (स्ट्रॅटेजी), संपत्ती व्यवस्थापन, प्रशासन (गव्हर्नन्स) आणि इतर क्षेत्रांमधील संधींचा शोध घेणे शक्य होईल.
