कोपरगाव नगरपरिषदेतर्फे माजी सैनिकांचा सन्मान सोहळा
कोपरगाव प्रतिनिधी मनिष जाधव – स्वातंत्र्य दिनानिमित्त हर घर तिरंगा अभियान दिनांक ९ ऑगस्ट ते १५ ऑगस्ट २०२४ या कालावधीत राबविण्यात येत आहे. या अभियाना अंतर्गत विविध सामाजिक उपक्रमांचे आयोजन करण्यात येत आहे. जसे की तिरंगा रॅली, तिरंगा यात्रा, तिरंगा मॅरेथॉन, तिरंगा कॅनव्हॉस, तिरंगा प्रतिज्ञा, तिरंगा ट्रिब्यूट, हर घर तिरंगा आणि ध्वजारोहण कार्यक्रम यासारख्या कार्यक्रमाच्या आयोजनातून आपल्या शहरामध्ये आपल्या देशाविषयी जनजागृती,प्रेम आणि साक्षरता निर्माण व्हावी व या मातृभूमिसाठी झटणारे तसेच त्यासाठी आपल्या प्राणांची आहुती देणाऱ्या शूर वीरांचा सन्मान व्हावा याकरिता सदर अभियान राबविण्यात येत आहे.
त्या अनुशंगाने कोपरगाव नगरपरिषदे मार्फत स्वातंत्र्यसैनिक व वीरांना वंदन व तिरंगा ट्रिब्यूट या कार्यक्रमाचे आयोजन आज दिनांक १४ ऑगस्ट २०२४ रोजी सकाळी ११.०० वा. पंचायत समिती सभागृह कोपरगाव येथे करण्यात आले होते.या प्रसंगी आयोजित कार्यक्रमासाठी कोपरगाव तालुक्यातील सर्व माजी सैनिक,शहीद जवान विर पत्नी,विर माता यांना आमंत्रित करण्यात आले होते. आपल्या मातृभूमिसाठी झटणारे तसेच त्यासाठी आपल्या प्राणांची आहुती देणाऱ्या शूर वीरांचा आणि त्यांच्या कुटुंबियांचा सन्मान करण्या करिता सदर कार्यक्रमाचे आयोजन करण्यात आले होते. कार्यक्रम प्रसंगी कोपरगाव तालुक्यातील एकूण ४९ माजी सैनिक,शहीद जवान विर पत्नी,विर माता उपस्थित होत्या.उपस्थित माजी सैनिक,शहीद जवान विर पत्नी,विर माता यांचा सन्मान कार्यक्रम करत असतांना कोपरगाव नगर परिषदेचे मा.मुख्याधिकारी तथा प्रशासक सुहास जगताप साहेब यांच्या मार्गदर्शनाखाली सन्मान कार्यक्रम पार पडला. प्रसंगी कार्यक्रमासाठी अध्यक्ष म्हणून एस.एस.जी.एम कॉलेज कोपरगाव प्राचार्य मा. उज्ज्वला भोर उपस्थित होते.
या प्रसंगी उपस्थित माजी सैनिक,शहीद जवान विर पत्नी,विर माता यांनी देखील आपले मनोगत व्यक्त केले. सदर कार्यक्रमाचे नियोजन कोपरगाव नगर परिषदेचे मा.मुख्याधिकारी तथा प्रशासक सुहास जगताप साहेब व उपमुख्याधिकारी श्री.मनोजकुमार पापडीवाल यांच्या मार्गदर्शनाखाली करण्यात आले.कार्यक्रमाच्या यशस्वितेसाठी नगरपरिषदेच्या सर्व अधिकारी, कर्मचारी यांनी परिश्रम घेतले.
