संजीवनी अकॅडमीची अनुष्का उंडे सीबीएसई परीक्षेत ९९ टक्के गुण मिळवुन तालुक्यात सर्व प्रथम

 इ. १० वीत ३० विद्यार्थ्यांना ९० टक्के व ६० विद्यार्थ्यांना ८० टक्यांपेक्षा अधिक गुण

कोपरगांव प्रतिनिधी मनिष जाधव – सेंट्रल बोर्ड ऑफ सेकंडरी एक्झामिनॅशनने (सीबीएसई-केंद्रिय माध्यमिक शिक्षण  मंडळ) फेब्रुवारी-मार्च, २०२४ मध्ये घेतलेल्या इ. १० वीच्या परीक्षांचे निकाल  जाहिर केले असुन यात संजीवनी अकॅडमीच्या अनुष्का सचिन उंडे हिने ९९ टक्के गुण मिळवुन कोपरगांव तालुक्यात सर्वप्रथम क्रमांकाने उत्तिर्ण होण्याचा बहुमान पटकाविला. तसेच तिने संस्कृत व समाजशास्त्र  या विषयांमध्ये १०० पैकी १०० गुण मिळवुन आपल्या प्रतिभा संपन्नतेचे दर्शन  घडविले. या परीक्षेत ३० विद्यार्थ्यांनी ९० टक्यांपेक्षा अधिक तर ६० विद्यार्थ्यांनी ८० टक्यांपेक्षा अधिक गुण मिळवुन एक विक्रम प्रस्थापित केला, अशी  माहिती संजीवनी अकॅडमीने प्रसिध्दी पत्रकाद्वारे दिली आहे.

पत्रकात पुढे म्हटले आहे की चार्वी रमेश  कोठारी हीने ९८ टक्के गुण मिळवुन दुसरा क्रमांक मिळविला. आरती अनिल कारवा हीने ९७ टक्के गुण मिळवुन तिसऱ्या  क्रमांकाची मानकरी ठरली. वरूण समिर डहाके व शांभवी  अनिल देशपांडे यांनी प्रत्येकी ९६ टक्के गुण मिळवुन चौथा क्रमांक मिळविला. परीमल दत्तात्रय आदिक, कृतिका मयुर पटेल आणि शरीन सिराज जलिश  अहमद यांनी प्रत्येकी ९५ टक्के गुण मिळवुन पाचवा क्रमांक मिळविला. श्रावणी आण्णासाहेब थोरात हीने मराठी विषयात १०० पैकी १०० गुण मिळवुन नवा कीर्तिमान प्रस्थापित केला.

विद्यार्थ्यांच्या या दैदिप्यमान यशाबद्दल संजीवनी ग्रुप ऑफ इन्स्टिट्यूट्सचे अध्यक्ष श्री नितिनदादा कोल्हे, मॅनेजिंग ट्रस्टी श्री अमित कोल्हे व स्कूलच्या संचालिका डॉ. मनाली कोल्हे यांनी सर्व गुणवंत विद्यार्थी व त्यांचे पालक, प्राचार्या शैला  झुंजारराव व त्यांच्या सर्व टीमचे अभिनंदन केले.

चौकटः