कोपरगांव बाजार समितीत नाफेड मार्फत हरभरा खरेदी केंद्र सुरु- नामदेव ठोंबळ 

श्री.ठोंबळ पुढे बोलतांना म्हणाले की, केंद्र शासनाच्या आधारभुत किंमत योजनेअंतर्गत सन 2022-23 या वर्षाकरिता हरभरा खरेदी केंद्र कोपरगांव कृषि उत्पन्ऩ बाजार समिती येथे सुरू झाले आहे. ज्या शेतक-यांना नांव नोंदणी करावयाची आहे. त्यांनी दिनांक ०८ मार्च २०२३ पासून आपली नावे बाजार समिती कार्यालयात प्रत्यक्ष येवून नोंदवावीत. शासनाने धान्य़ खरेदीचे दर जाहीर केले आहेत. हरभरा पिकासाठी ५ हजार ३३५ रूपये प्रती क्विंटल असा भाव आहे. तरी ज्या शेतक-यांना आपला शेतमाल द्यावयचा असेल, त्यांनी आपली नावे नोदवितांना कागदपत्रे ऑनलाईन ई पीक पेरा असलेला चालु वर्षाचा ८ अ व ७/ १२ उतारा तलाठी यांच्या स्वाक्षरीसह, आधारकार्ड झेरॉक्स़, राष्ट़्रीयकृत बँक पासबुक सुस्पष्ट़ झेरॉक्स़, मोबाईल नंबर देवून ऑनलाईन नोंदणी करावी. ऑनलाईन नोंदणीनंतर माल खरेदीबाबत शेतक-यांना SMS पाठविण्यात येईल. त्यानंतर नाफेडच्या ग्रेडरने स्विकारलेला माल खरेदी करण्यात येईल व तद्नंतर नाफेडमार्फत शेतक-यांच्या खात्यावर ऑनलाईन शेतमालाची रक्क़म जमा करण्यात येईल. तरी या योजनेचा कोपरगांव तालुक्यातील हरभरा उत्पादक शेतक-यांनी जास्तीत जास्त़ लाभ घ्यावा, असे आवाहन बाजार समितीचे  सचिव श्री.एन.एस.रणशुर यांनी केले आहे.