कोपरगांव तहसीलदारांची अवैध वाळू वाहतूक वाहनांवर कारवाई , दोन हायवा, एक जेसीबी जप्त
कोपरगाव प्रतिनिधी मनिष जाधव – कोपरगाव तालुक्यातील मुर्शतपूर येथे अवैध गौणखनिज (वाळू) वाहतूक करणारे दोन हायवा एक जेसीबी तहसीलदार संदिपकुमार भोसले यांच्या नेतृत्त्वाखाली पथकाने जप्त केले आहेत.
कोपरगांव तालुक्यातील मुर्शतपुर शिवारात अवैधरित्या गौनखनिज (वाळू ) वाहतूक करणारा अंदाजे २० लक्ष प्रती हायवा प्रमाणे दोन हायवा ४० लक्ष रुपये आणि जेसीबी अंदाजे २० लक्ष रुपये असे एकूण ६० लक्ष रुपयांची वाहने जप्त केली आहे. तहसीलदार संदिपकुमार भोसले यांचे पथकात तलाठी गटकळ,शिपाई रामदास माळवदे,भाऊसाहेब माळी, कोतवाल साहेबराव रणशूर यांचा समावेश होता. अवैधरित्या गौनखनिज उपसून नेमका कोणत्या बांधकामावर जातो आहे. याची चौकशी केली जाणार असल्याचे ही संदिपकुमार भोसले यांनी सांगितले आहे.
