एम.एस.जी.एस. शिक्षण संकुलात सहकार व शिक्षण महर्षी स्व.गोविंदराव (नाना) सोनवणे यांना १०४ व्या जयंती निमित्त आदरांजली
अंदरसुल प्रतिनिधी सचिन सोनवणे – अंदरसुल येथील मातोश्री शांताबाई गोविंदराव सोनवणे शिक्षण संकुलात सहकार व शिक्षण महर्षी स्व.गोविंदराव (नाना) सोनवणे यांची 104व्या जयंती साजरी करण्यात आली.कार्यक्रमाच्या अध्यक्षस्थानी संस्थेचे अध्यक्ष अरुण भांडगे हे होते.तर प्रमुख पाहुणे म्हणून अंदरसूल ग्रामपालिकेच्या सरपंचा सविता कचरे, उपसरपंच सोमनाथ रोकडे, अशोका मेडीकव्हरचे सिद्धार्थ गोरे, समता ब्लड बँकचे गोरख गवळी, तुलसी आयचे एच.एल.पाटील हे होते. कार्यक्रमाची सुरुवात मान्यवरांच्या हस्ते सहकार व शिक्षण महर्षी स्व.गोविंदराव (नाना) सोनवणे यांच्या प्रतिमेला व पुतळ्याला तसेच मातोश्री शांताबाई सोनवणे यांच्या प्रतिमेला पुष्पमाला अर्पण करून करण्यात आली. जयंती निमित्त अशोका मेडीकव्हर हॉस्पिटल, तुलसी आय हॉस्पिटल व समता ब्लड बँक नाशिक यांच्या संयुक्त विद्यमाने भव्य मोफत आरोग्य तपासणी, नेत्र तपासणी व रक्त तपासणी शिबीर आयोजित करण्यात आले होते. या शिबीरात तुलसी आय हॉस्पिटल तर्फे एकूण 354 लोकांची नेत्र तपासणी करण्यात आली, तसेच अशोका मेडीकव्हर हॉस्पिटल तर्फे रक्त दाब , साखर, बी.एम.आय., नाडी परिक्षण, ऑक्सिजन हे सर्व मिळून 415 लोकांची तपासणी करण्यात आली व समता ब्लड बँक तर्फे रक्त गट, हिमोग्लोबिन तपासणी करण्यात आली व रक्ताच्या एकूण 83 पिशव्यांचे संकलन झाले.
कार्यक्रमाची प्रस्तावना अमोल आहेर यांनी केली.यानंतर इंग्लिश मिडीयम च्या विद्यार्थिनींनी नानाजींच्या जीवनावर आधारित गीत सादर केले.यानंतर नानाजींच्या जयंती निमित्त घेण्यात आलेल्या निबंध, चित्रकला व रांगोळी स्पर्धेच्या विजेत्यांचा सत्कार मान्यवरांच्या हस्ते करण्यात आला. अध्यक्षीय भाषणांत अरुण भांडगे यांनी स्व.गोविंदराव (नाना) सोनवणे यांच्या सामाजिक, शैक्षणिक व राजकीय कार्यात योगदान उपस्थितांना करून दिले.
याप्रसंगी संस्थेचे उपाध्यक्ष सुदाम सोनवणे, सरचिटणीस अमोल सोनवणे, खजिनदार मकरंद सोनवणे, सहचिटणीस मयुर सोनवणे, संचालक तथा कार्यकारी अधिकारी राजेंद्र गायकवाड, राजेंद्र सोनवणे, उज्ज्वल जाधव, आकाश सोनवणे, संगीताताई सोनवणे, अंदरसुल ग्रामपालिका मा.सरपंच व विद्यमान सदस्य सौ.विनिता अमोल सोनवणे, रामनाथ काका एंडाईत, भाऊसाहेब कचरे, संदीप वाकचौरे, सचिन बागुल, अशोक एंडाईत, कचरू पाटील गवळी, भाऊसाहेब थोरात, पुंडलिक जानराव, दीपक जगताप, मंगेश शिंदे, म्हसू घोडराव, कारभारी वाकचौरे, किशोर सोनवणे, बाबासाहेब सोनवणे, द्वारकानाथ सोनवणे सह पालक उपस्थित होते.
कार्यक्रम यशस्वीतेसाठी प्रिंसिपल अल्ताफ खान, प्राचार्य सचिन सोनवणे, सेमीच्या मुख्याध्यापिका जयश्री परदेशी, दीपक खैरनार, गणेश सोनवणे, अजीम पटेल, सचिन घोडके, पारस भगत, राजेश कांबळे, सुनील सपकाळ, संदीप बोढरे, महेश मेहेत्रे, सचिन बोढरे, जितेश व्यवहारे, मयूर भागवत, संतोष जाधव, माधुरी माळी, अर्चना एंडाईत, निलिमा देशमुख, सुनीता वडे, सुवर्णा कडलग, सुषमा सोनवणे, दीपाली सोनवणे, कांचन गायकवाड आदी सह सर्व शिक्षक-शिक्षिका यांनी विशेष परिश्रम घेतले.कार्यक्रमाचे सूत्रसंचालन शिक्षक अजहर खतीब व सुष्मिता देशमुख यांनी तर आभार प्रदर्शन दीपक खैरनार यांनी केले.
